ukraina portliridin 6 milyon tonna ashliq yötkelgen

türkiye awazi radiyosi xewiri:türkiye dölet mudapie ministirliqi bayanat élan qilip, 2022-yili 22-iyul istanbulda türkiye, rusiye, ukraina we b d t teripidin imzalanghan ashliq yötkesh kélishimi ramkisida istanbulda qurulghan birleshme kordinatsiye merkizining xizmitini bashlishi bilen, ukrainaning odéssa portidin ashliq bésilghan birinchi paraxotning 2022-yili 1-awghustta yolgha chiqqanliqini؛ shuningdin tartip bügüngiche 260 paraxotning ukraina portliridin ashliq bésip yolgha chiqqanliqini we toshulghan ashliq miqdarining 6 milyon tonnadin ashqanliqini bildürdi.

ukraina portliridin bughday, qonaq, aptapperes künjüti, aptapperes yéghi, qizilcha, purchaq, nuqut we arpa qatarliq déhqanchiliq mehsulatliri paraxot arqiliq toshulmaqta.

bügün (2022-yili 4-öktebir) yene ukraina portliridin ashliq bésilghan sekkiz paraxotning yolgha chiqqanliqi bildürüldi.