türkiye amérikani qattiq eyiblidi
türkiye, amérika dölet mudapie ministirliqining jenubiy qibris rim hökümitini dölet muhapizetchiler biyorosi ishtat shérikchiliki pilanigha kirgüzüshini qattiq eyiblidi.
türkiye awazi radiyosi xewiri: türkiye jumhuriyiti tashqi ishlar ministirliqi bayanat élan qilip, «biz amérika dölet mudapie ministirliqining jenubiy qibris rim hökümitini (amérika) mudapie ministirliqi qarmiqidiki dölet muhapizetchiler biyorosi ishtat shérikchiliki pilanigha kirgüzülgenlikini qattiq eyibleymiz» dédi.
buningdin ikki hepte ilgiri jenubiy qibris rim hökümitige qaritilghan qoral émbargosini bikar qilghan amérikaning bu yéngi qedimini türkiye nuqtisidin héchqandaq orunluq izahatining yoqluqigha isharet qilinghan bayanatta: «amérika bu qedimi arqiliq araldiki ikki terep otturisidiki tengpungluqni buzushtin halqip, biwasite halda terep tutidighan haletke keldi. amérika bu xil qedemliri qibris mesilisini adil we üzül – késil hel qilish musapiside berpachi rol oynash pursitidin ayrilip qaldi» dégen ibarilerge orun bérildi.
türkiyening kapaletchilik orni alahide tekitlengen bayanatta, qibris türk xelqining bixeterlikige kapaletlik qilish üchün zörür bolghan barliq qedemlerning tashlinidighanliqi otturigha qoyuldi.
