erdoghan türkiye büyük millet mejlisining «yéngi qanun chiqirish yili» échilish murasimida söz qildi

jumhur reis rejep tayyip erdoghan, amérika qoshma ishtatlirining jenubiy qibris rum dairilirige qaritilghan qoral émbargosini bikar qilish qararigha «qobul qilghili bolmaydighan qarar» dep baha berdi.

1887179
erdoghan türkiye büyük millet mejlisining «yéngi qanun chiqirish yili» échilish murasimida söz qildi

türkiye awazi radiyosi xewiri: jumhur reis erdoghan türkiye büyük milliy mejlisi (TBMM)ning yéngi qanun chiqirish yilining échilish murasimidiki sözide: «bügün biz 27-nöwetlik mejlisimizning axirqi qanun chiqirish yilining échilishini qiliwatimiz. men, mejlisimiz saylam kalindarigha asasen xizmitini dawamlashturup, nurghun halqiliq belgilimilerni yolgha qoyup, bu qanun chiqirish yilidinmu eng yaxshi shekilde paydilinidighanliqigha ishinimen» dédi.

u térrorizmgha qarshi küresh heqqidiki sözide, térrorchilar sadir qilishqa urunuwatqan anda – sanda qilmishlargha «xainlarning axirqi tipirlashliri» dep baha bérip, türkiye bixeterlik qisimlirining qolining her daim térrorchilarning gejkiside ikenlikini éytti.

jumhur reis erdoghan yéqinqi yillardin buyan qolgha keltürülgen iqtisadiy éshish toghrisida toxtilip: «sétiwélish küchi körsetküchige asaslanghanda, türkiye 2021 – yili dunyaning 11-, yawropaning 4-chong iqtisadiy gewdisige aylandi» dédi.

türkiye diplomatiyesining yéqinqi esirlerdin buyanqi eng muweppeqiyetlik dewrini bashtin kechürüwatqanliqini tekitligen erdoghan: «dölitimizning tirishchanliqi netijiside hasil qilinghan ashliq karidori kélishimi inawiti dawalghushqa duch kelgen birleshken döletler teshkilatining yéqinqi yillardin buyanqi eng zor muweppeqiyetlirining biri hésablinidu» bahalidi.

jumhur reis erdoghan sözining tashqi siyasetke munasiwetlik qismida, arallarni qorallanduruwatqan girétsiyeni ilhamlandurushning aqilanilikkimu, ittipaqdashliqqimu yarashmaydighanliqini tekitlep: «qutratquluq qilish we jiddiychilikni ulghaytish siyasiti héchkim menpeet élip kelmeydu» dédi we sözini dawamlashturup, amérika qoshma ishtatlirining jenubiy qibris rum dairilirige qaritilghan qoral émbargosini bikar qilish qararigha «qobul qilghili bolmaydighan qarar» dep baha berdi.

u yene, türkiyege bérilgen wediler emelge ashmighuche, enqerening shiwétsiye bilen finlandiyening shimaliy atlantik ehdi teshkilatigha eza bolushi mesilisidiki pirinsipal we qetiy meydanini saqlap qalidighanliqini sözlirige ilawe qildi.


خەتكۈچ: #uyghurche , #erdoghan , #türkiye

مۇناسىۋەتلىك خەۋەرلەر