әрдоған: бизниң америкадин күтидиғинимиз, гиретсийәгә хата чот соқтурмаслиқидур

җумһур рәис рәҗәп таййип әрдоған: «бизниң америкадин күтидиғинимиз, гиретсийәгә хата чот соқтурмаслиқидур» деди.

1886109
әрдоған: бизниң америкадин күтидиғинимиз, гиретсийәгә хата чот соқтурмаслиқидур

түркийә авази радийоси хәвири: җумһур рәис әрдоған түнүгүн кәчтә бәзи телевизийә қаналлириниң бирләшмә сөһбәт пирограммисиға қатнишип, күнтәртиптики мәсилиләргә даир соалларға җаваб бәрди.

әрдоған, әгә деңизидики аралларға америка қораллириниң орунлаштурулушини һәмдә американиң шималий атлантик әһди тәшкилати — натода бирликтә һәрикәт қиливатқан дөләтләргә адил муамилә қилмиғанлиқини тәнқид қилип: «гиретсийә билән түркийә һәр иккиси натода. биз натодики алдинқи бәш дөләтниң бири. һәм қошқан төһпимиз һәм қуруқлуқ армийәмиз билән муһим орунда туруватимиз. натода түркийә билән гиретсийәни селиштурушқа болмайду. американиң бундақ көп қорал, машина вә үскүниләрни аралларға әвәтишини қобул қилғили болмайду» деди.

у сөзини давамлаштуруп: «бизниң америкадин күтидиғинимиз, гиретсийәгә хата чот соқтурмаслиқи вә хәлқара җамаәт пикириниң қаймуқтурулушиға йол қоймаслиқидур. биз ташқи ишлар министирлиқимиз арқилиқ америка вә гиретсийәгә зөрүр агаһландурушларни бәрдуқ. бирләшкән дөләтләр тәшкилати (б д т)ғиму ахирқи мәктупимизни 17 - сентәбирдә әвәттуқ» дегәнләрни қәйт қилди.

американиң җәнубий қибрис рим даирилиригә қаратқан қорал ембаргосини бикар қилишиниң нә мәзмуни, нә вақтиға изаһат беришниң мумкин әмәсликини билдүргән әрдоған: «бу йеңи қәдәмниң җавабсиз қалмайдиғанлиқини, қибрис түрклириниң бихәтәрликини қоғдаш үчүн һәр хил тәдбирләрниң йолға қойулидиғанлиқини һәммә билиши керәк» деди.



مۇناسىۋەتلىك خەۋەرلەر