dölet xewpsizlik kéngishi girétsiyening künséri ewj éliwatqan qutratquluqlirini muzakire qildi

türkiye jumhuriyiti dölet xewpsizlik kéngishi, türkiyening heq - hoquq we menpeetlirining qanun dairiside qoghdilidighanliqini tekitlidi.

1886013
dölet xewpsizlik kéngishi girétsiyening künséri ewj éliwatqan qutratquluqlirini muzakire qildi

türkiye awazi radiyosi xewiri: türkiye jumhuriyiti dölet xewpsizlik kéngishi jumhur reis rejep tayyip erdoghanning riyasetchilikide chaqirilghan yighinidin kéyin bayanat élan qilip, yighinda, girétsiyening yéqindin buyan küchiyip kétiwatqan qutratquluq qilmishlirining muzakire qilinghanliqini bildürdi.

bayanatta «(yighinda) girétsiyening bihude urunushlirigha qarshi xelqimizning menpeetini qoghdash üchün her xil qanunluq usul we wasitilerni ishqa sélishtin bash tartmaydighanliqimiz tekitlendi hemde girétsiyeni gheyriy eskiriy arallarni qorallandurushqa ilhamlandurghan terepler aqilane heriket qilishqa chaqirildi» dégen ibarilerge orun bérildi.

amérika qoshma ishtatlirining jenubiy qibris rim teripige qoyulghan qoral émbargosini bikar qilish qararimu tilgha élinghan bayanatta yene,  ittipaqdashliq rohigha xilap bu qararning qayturuwélinishi telep qilinghandin bashqa, qibris türklirining hoquqini qoghdash paaliyetlirining qetiy irade bilen dawamlashturulidighanliqining tekitlengenliki, shundaqla barliq döletlerning shimaliy qibris türk jumhuriyitining musteqilliqini étirap qilishqa teklip qilinghanliqi qeyt qilindi.



مۇناسىۋەتلىك خەۋەرلەر