süriyening shimalida 10 térrorchi bir terep qilindi

türkiye awazi radiyosi xewiri: türkiye jumhuriyiti dölet mudapie ministirliqi teripidin élan qilinghan bayanatta, térrorchilarning özlirini kütüwatqan halakettin bashqa chiqish yolining yoqluqi tekitlinip mundaq déyildi: «süriyening shimalidiki  ‹firat qalqini› we ‹tinchliq buliqi› herbiy heriketliri rayonlirigha  hujum qilishqa teyyarliniwatqanliqi éniqlap chiqilghan bölgünchi térrorluq teshkilati p k k/y p g  ezasi 10 térrorchi, qehriman qisimlirimiz teripidin bir terep qilindi.»

yene bir tereptin, ichki ishlar ministirliqining «tutush buyruqi chiqirilghanlar tizimliki» diki «qizil katégoriye» din orun alghan bölgünchi térrorluq teshkilati p k k/k j k ezasi sabah oghur süriyening heleb shehiride bir terep qilindi.

milliy istixbarat teshkilati, bölgünchi térrorluq teshkilati p k k/k j k – p y d/y p g ning süriye we iraqtiki yuqiri derijilik mensuplirini bir terep qilish üchün teqib qildi.

türkiyediki dala ot apetliri qilmishlirining mesuli bolghan bölgünchi térrorluq teshkilati p k k/k j k ezasi sabah oghur, milliy istixbarat teshkilati teripidin süriyening heleb shehiride bir terep qilindi.

köpligen térrorluq heriketlirige buyruq chürüshgen sabah oghurning qérindishi bölgünchi térrorluq teshkilati p k k/k j k -   p y d/y p g mensubi zehra oghurmu, 2010 – yili bir terep qilinghanidi.