türkiye gérmaniye parlaméntining muawin bashliqining sözlirini qattiq eyiblidi

türkiye gérmaniye parlaméntining muawin reisi wolfgang kubichkining jumhur reis rejep tayyip erdoghan heqqide qilghan sözlirini eyiblidi.

1885250
türkiye gérmaniye parlaméntining muawin bashliqining sözlirini qattiq eyiblidi

türkiye awazi radiyosi xewiri: türkiye tashqi ishlar ministirliqi bayanatchisi bash elchi tanju bilgich kubichkining saylam paaliyitining bir qismi süpitide jumhur reis erdoghangha qaratqan bayanlirigha dair soalgha yazma jawab bérip:  «gérmaniye fédératsiye parlaméntining muawin bashliqi wolfgang kubichkiyning töwen saksoniye ölkilik saylam seperwerliki paaliyitining bir qismi süpitide qilghan sözide hörmetlik jumhur reisimizge qarita haqaretlik sözlerni qilghanliqini qattiq eyibleymiz» dédi.

tanju bilgich bayanatida, kubichkining qobul qilghusiz bayanatlirining mezkur muawin bashliqliq ornigha qetiy mas kelmigenge oxshash, siyasiy exlaq we mesuliyet éngidinmu pütünley mehrum ikenlikini namayan qilghanliqini tekitlep, bu namuwapiq bayanatlarning mahiyette kubikchkining siyasiy we exlaqiy sewiyesi heqqide chüshenche béridighanliqini shundaqla uning setchilikini ashkarilap bergenlikini éytti.

u: «bizning bu mesilige bolghan küchlük naraziliqimiz bügün ministirliqimizgha chaqirtilghan gérmaniyening enqerede turushluq bash elchisige yetküzüldi» dédi.


خەتكۈچ: #gérmaniye , #türkiye

مۇناسىۋەتلىك خەۋەرلەر