shiwétsiye bilen türkiye otturisidiki nato muzakirilirini oskar sténstrom dawamlashturidu
shiwétsiye bilen türkiye otturisidiki nato muzakirilirini sabiq bash ministir magdaléna andérsonning katipi oskar sténstromning dawamlashturidighanliqi bildürüldi.
türkiye awazi radiyosi xewiri: shiwétsiyede 11-séntebirde ötküzülgen chong saylamdin kéyin hökümet teshkillesh wezipisini üstige alghan mötidil konsérwatiplar partiyesining rehbiri ulf kiristérson türkiye bilen natoning muzakirelirini sabiq bash ministir magdaléna andérsonning katipi oskar sténstromning dawamlashturidighanliqini bildürdi.
shiwétsiye parlaménti bashliqi andiriyas norlén teripidin hökümet teshkillesh wezipisige teyinlengen kiristérson türkiye bilen dölitining natogha eza bolush muzakireliri heqqide bayanat élan qildi.
dölet téléwiziyesi «SVT» qanilining xewirige asaslanghanda, kiristérson türkiye bilen nato muzakirelirining estayidil dawam qiliwatqanliqini tilgha alghan.
kiristérson sabiq bash ministir magdaléna andérsonning katipi oskar sténstromning bash muzakirechi salahiyiti bilen muzaikirelerni dawamlashturidighanliqini tekitlep: «shiwétsiyede saylam ötküzülgenliki üchün dunyadiki tereqqiyatlar toxtap qalidighan ish yoq. nato mesilisi saylamdin burunqigha oxshash bügünmu muhim. muzakire axirlashqangha qeder muhim bolushni dawamlashturidu. andérsonning katipi oskar sténstromgha toluq ishinimen. uning bu muzakirelerge rehberlik qilish iqtidarida ige ikenlikige ishinimen» dédi.
28-iyun nato bashliqlar yighinida, türkiye, finlandiye we shiwétsiye teripidin üch terep ehdinamisi imzalanghan idi. ehdiname dairiside qurulghan daimiy ortaq méxanizmning tunji yighini 26 - awghustta (2022) finlandiyening wanta shehiride ötküzülgen idi.
