erdoghan niyu yorkta türk teshkilatlirining wekilliri bilen körüshti

türkiye jumhur reisi rejep tayyip erdoghan amérikada paaliyet qiliwatqan ijtimaiy teshkilatlarning wekilliri bilen körüshti.

1881478
erdoghan niyu yorkta türk teshkilatlirining wekilliri bilen körüshti

türkiye awazi radiyosi xewiri: türkiye jumhur reisi rejep tayyip erdoghan b d t 77-nöwetlik omumiy kéngishige qatnishish üchün niyu yorkqa yétip béripla bir qatar paaliyetlirini bashliwetti.

u amérikada paaliyet qiliwatqan ijtimaiy teshkilatlarning wekilliri bilen türk öyide körüshti we arqidin liwiye pirézidéntliq kéngishining bashliqi muhemmed menfini qobul qildi. bu körüshüsh axbaratqa yépiq shekilde ötküzüldi.

u rokféllér sariyida (Rockefeller Plaza) bérilgen türk amérikan dölet yétekchilik komitétining tamaq ziyapitide söz qildi. u mundaq dédi:

«biz inaqliq we bir gewdilishishni, puqralarning öz medeniyiti we qimmet qarishini qoghdash we bir gewdilishish arqiliq özliri yashawatqan jemiyetlerning turmushigha aktip qatnishish dep chüshinimiz.»

u yene mundaq dédi:

«amérikaliq dostlirimizning p k k-y p g we fethullahchi térrorluq teshkilatlirigha qarshi kürishimizde, ittipaqliq rohigha yarishidighan shekilde hemkarliship heriket qilishini ümid qilimiz. fethullahchi térrorluq teshkilati kattibéshi we ezalirining türkiye edliyesige tapshurup bérilishi üchün amérikaning munasiwetlik organliri bilen alaqimizni izchil dawamlashturuwatimiz.»



مۇناسىۋەتلىك خەۋەرلەر