erdoghan shangxey hemkarliq teshkilati bashliqlar yighini heqqide uchur élan qildi

dölitimiz (türkiye jumhuriyiti) jumhur reisi rejep tayyip erdoghan shangxey hemkarliq teshkilatining 22 – nöwetlik dölet we hökümet bashliqliri yighini heqqide widéoluq uchur élan qildi.

1881097
erdoghan shangxey hemkarliq teshkilati bashliqlar yighini heqqide uchur élan qildi

türkiye awazi radiyosi xewiri: jumhur reis erdoghan, ammiwi ortaqlishish tor bétidiki sehipiside, bu heqte élan qilghan bayanatida, mundaq dédi: «özbékistanda chaqirilghan shangxey hemkarliq teshkilatining 22 – nöwetlik dölet we hökümet bashliqliri yighinida dostlirimiz bilen bir yerge jem bolghanliqimizdin intayin xursenmiz. shangxey hemkarliq teshkilati bilen bolghan hemkarliqimizni ortaq tirishchanliqlirimiz arqiliq yenimu yüksek sewiyege yetküzeleydighanliqimizgha chin dilimizdin ishinimiz.»

erdoghanning uchurida, shangxey hemkarliq teshkilati bashliqlar yighinida élip barghan ikki tereplik uchrishishlirigha alaqidar widéomu orun aldi.

yene bir tereptin, jumhur reis rejep tayyip erdoghan, shangxey hemkarliq teshkilatining 22 – nöwetlik dölet we hökümet bashliqliri yighinigha qatnishish üchün yétip barghan özbékistanning semerqent shehiridiki pirogrammilirini tamamlap, birleshken döletler teshkilatining 77 – nöwetlik omumiy kéngesh yighinigha qatnishish we türlük uchrishishlarda bolush üchün amérika qoshma ishtatlirining niyu york shehirigeyürüp ketti.



مۇناسىۋەتلىك خەۋەرلەر