türkiye: gherbiy trakyadiki az sanliq türklerni herdaim qollaymiz
türkiye türlük tehdit we bésimlargha qarimay gherbiy trakyadiki az sanliq türklerni herdaim qollaydighanliqini bildürdi.
türkiye awazi radiyosi xewiri: türkiye, girétsiyening ishkeje rayonidiki az sanliq türklerdin bolghan parlamént ezasi hüseyin zeybekning, bir téléwiziye pirogrammisigha téléfon arqiliq qatnashqan bir kishi teripidin ölüm tehditi sélinishigha qattiq naraziliq bildürdi.
türkiye jumhuriyiti tashqi ishlar ministirliqi teripidin bu heqte élan qilinghan bayanatta, mundaq déyildi: «türlük tehdit we bésimlargha qarimay, kishilik hoquq we erkinlik kürishidin waz kechmigen gherbiy trakyadiki az sanliq türklerning herdaim yénidimiz. girétsiye dairiliridin, bu qorqunuchluq weqeni tekshürüshi we jawabkarlarni jazalandurushini kütüwatimiz.»
ishkeje rayonidiki az sanliq türklerdin bolghan parlamént ezasi hüseyin zeybek, düshenbe küni bir téléwiziye pirogrammisigha téléfon arqiliq qatnashqan bir kishi teripidin ölüm bilen tehdit sélinghanidi.
