چاۋۇشئوغلۇ ئەزەربەيجانغا تەزىيە بىلدۈردى

تۈركىيە ئاۋازى رادىيوسى خەۋىرى: چاۋۇشئوغلۇ، ئاممىۋى ئورتاقلىشىش تور بېتى Twitter سەھىپىسىدە ئېلان قىلغان باياناتىدا،  ئەزەربەيجان – ئەرمېنىيە چېگرا لىنىيەسىدە يۈز بەرگەن توقۇنۇشلاردا شېھىت بولغان ئەزەربەيجان ئارمىيەسىنىڭ قەھرىمان ئەسكەرلىرىگە ئاللاھ تائالادىن رەھمەت، ئۇلارنىڭ يېقىن – يورۇقلىرىغا سەۋر – تاقەت تىلىدى ۋە قېرىنداش دۆلەت ئەزەربەيجان خەلقىگە تەزىيە بىلدۈردى.

مىنىستىر چاۋۇشئوغلۇ، مۇنداق دېدى: «تۈركىيە ھەردائىم جانجىگەر دۆلەت ئەزەربەيجاننىڭ يېنىدا.»

ئەزەربەيجان دۆلەت مۇداپىئە مىنىستىرلىقى تەرىپىدىن ئېلان قىلىنغان باياناتتا، 12 – سېنتەبىر كېچىسى ۋە 13 – سېنتەبىر ئەتىگەن تەرەپلەردە ئەرمېنىيە ئارمىيەسىنىڭ ئەزەربەيجان بىلەن چېگراداش بولغان داشكەسەن، كەلبەجەر، لاچىن ۋە زەنگىلان يۆنىلىشلىرىدە كەڭ دائىرىلىك ئىغۋاگەرچىلىك ھەرىكەتلىرىنى ئېلىپ بارغانلىقىنى، بۇ جەرياندا ئەزەربەيجان ئارمىيەسىدىن 50 ئەسكەرنىڭ شېھىت بولغانلىقىنى بىلدۈرگەنىدى.