чавушоғлу байрамов билән телефонлашти
дөлитимиз (түркийә җумһурийити) ташқи ишлар министири мәвлүт чавушоғлу әзәрбәйҗан ташқи ишлар министири җәйһун байрамов билән телефонда көрүшти.
түркийә авази радийоси хәвири: чавушоғлу, аммиви ортақлишиш тор бети Twitter сәһиписидә елан қилған байанатида, әзәрбәйҗан ташқи ишлар министири җәйһун байрамов билән елип барған телефон сөһбитидә, әзәрбәйҗан – әрменийә чеграсидики «әрмәнләрниң иғвагәрчиликлири» һәққидә музакирә елип барғанлиқлирини тәкитләп мундақ деди: «әрменийә әмди қутратқулуқ қилишни тохтитиши керәк. әзәрбәйҗан билән йаришиш рамкиси ичидә тинчлиқ сөһбити вә һәмкарлиққа әһмийәт бериши лазим.»
әзәрбәйҗан – әрменийә чеграсида, икки дөләт қисимлири оттурисида қойуқ тоқунушлар башланғаниди.
әзәрбәйҗан дөләт мудапиә министирлиқи, әрменийә армийәсиниң түнүгүн кәч тәрәпләрдә чегра линийәсиниң дашкәсән, кәлбәҗәр вә лачин йөнилишлиридә кәң даирилик иғвагәрчилик қилғанлиқини уқтурғаниди.
مۇناسىۋەتلىك خەۋەرلەر
ирақ вә сүрийәдә 75 террорчи бир тәрәп қилинди
ирақ вә сүрийәниң шималида террорчиларға әҗәллик зәрбә берилмәктә.
