атақлиқ кино чолпини руссел кров түркийәгә мәдһийә оқуди

оскар мукапатиға еришкән атақлиқ йеңи зеландийә чолпини, филим ишлигүчи вә музикант руссел кров мәстанилириға түркийәни зийарәт қилиш чақириқида болди.

1871403
атақлиқ кино чолпини руссел кров түркийәгә мәдһийә оқуди

түркийә авази радийоси хәвири: «гладиатор» филимидә алған образлиқ роли билән оскар мукапатиға еришкән руссел кров, түркийәгә тәклип қилған бир тивиттер абонтииға қайтурған җавабида, түркийәни мәдһийәләп йуқири баһа бәрди.

кров өзиниң түркийәни бәк йахши көридиғанлиқини тәкитләп: «немидегән кишини мәптун қиларлиқ гүзәл бир дөләт, әгәр сиз илгири түркийәгә берип бақмиған болсиңиз, чоқум пилан түзүшиңиз керәк» дегән сөзләрни ишләтти.

атақлиқ чолпанниң һәмбәһирлигән учури нурғун тордашларниң йақтурушиға вә ортақлишишиға еришти.

атақлиқ чолпан руссел кров чанаққәлә уруши мәзмун қилинған вә дунйаниң һәрқайси җайлирида қойулған "The Water Diviner"  «су илаһи» намлиқ филимниң синға елиниши җәрйанида бир мәзгил түркийәдә турған иди.

түркчигә «ахирқи үмид» дәп тәрҗимә қилинған бу филимдә руссел кров, үч оғлини чанаққәләгә әвәткән вә уруштин төт йил кейин оғуллирини издәш үчүн түркийәгә кәлгән авистиралийәлик дадиниң ролини алған иди.



مۇناسىۋەتلىك خەۋەرلەر