әрдоған: урушниң үстәлдә ахирлишидиғанлиқиға ишинимиз

түркийә җумһур рәиси рәҗәп таййип әрдоған украина-русийә урушидики барлиқ мәсилиниң, музакирә үстилигә олтурғузидиған әң қисқа йолни тепиш икәнликини билдүрди.

1869796
әрдоған: урушниң үстәлдә ахирлишидиғанлиқиға ишинимиз

түркийә авази радийоси хәвири: түркийә җумһур рәиси рәҗәп таййип әрдоған: «украина-русийә урушида барлиқ мәсилә, музакирә үстилигә олтурғузидиған әң қисқа вә адил йолни тепиш» деди вә мурәссәчилик рол ойнашқа тәййар икәнликлирини билдүрди.

җумһур рәис рәқәп таййип әрдоған бир күнлүк зийарәт үчүн йетип барған украинаниң лвив шәһиридә, украина пирезиденти володимир зеленскй вә б д т баш катипи антонийо гутерс билән көрүшти. көрүшүштин кейин өткүзүлгән бирләшмә ахбарат елан қилиш йиғинида соалларға җаваб бәрди.

у: «истанбулда тәрәпләр оттурисида март ейида әмәлгә ашурулған учришишларда шәкилләнгән өлчәмләргә асасән музакирәләрни җанландуруш үчүн асанлаштурғучи йаки мурәссәчилик ролини үстимизгә елишқа тәййармиз» деди.

у барлиқ мәсилиләрниң, музакирә үстилигә олтурғузидиған қисқа вә адил йони тепиш икәнликини тәкитләп, дипломатик мусапини җанландуруш үчүн хәлқаралиқ җәмийәтниң қоллишиниң муһим әһмийәткә игә икәнликини, урушниң музакирә үстилидә ахирлишидиғанлиқиға ишинидиғанлиқини әскәртти.

у мундақ деди:

«запорижйа йадро електр истансиси әтрапида давамлишиватқан тоқунушлардин әндишә қиливатқанлиқимизни билдүрдуқ. йеңи чернобил вәқәсиниң йүз беришини халимаймиз.»

украина пирезиденти володимир зеленский җумһур рәис рәҗәп таййип әрдоған билән айрим көрүшүштин илгири йазма байанат елан қилди.

у байанатида, рәҗәп таййип әрдоғанниң зийаритигә күчлүк қоллаш дәп баһа берип: «түркийә җумһур рәисиниң украина зийарити, күчлүк дөләттин кәлгән күчлүк қоллаш сигналидур» деди.



مۇناسىۋەتلىك خەۋەرلەر