әрдоған полша пирезиденти билән телефонлашти

җумһур рәис рәҗәп таййип әрдоған полша пирезиденти андрзеҗ дуда билән телефонда көрүшти.

1869802
әрдоған полша пирезиденти билән телефонлашти

түркийә авази радийоси хәвири: түркийә җумһурийити җумһур рәислик мәһкимиси учур - алақә ишлири идарисиниң билдүрүшичә, җумһур рәис әрдоған, телефон сөһбитидә, бир қисми полша арқилиқ ишқа ашурулған түнүгүнки украина зийаритини қоллиғанлиқи үчүн,  полша пирезиденти андрзеҗ дудаға тәшәккүр ейтқан, һәмдә украинада тинчлиқ мусаписигә төһпә қошуш үмиди билән түрлүк учришишларни елип барғанлиқлирини әскәрткән.

 полша пирезиденти андрзеҗ дуда болса, русийә – украина киризисиниң һәл қилиниши йолида иҗабий рол ойнаватқанлиқи вә көрситиватқан тиришчанлиқлири, һәмдә ашлиқ екиспорт қилиш келишиминиң иҗр а қилинишиға қошуватқан төһпилири үчүн, җумһур рәис әрдоғанға миннәтдарлиқ билдүргән.

у йәнә, җумһур рәис әрдоғанни полшада зийарәттә болушқа тәклип қилған.



مۇناسىۋەتلىك خەۋەرلەر