«‹абдулһәмид хан› парахоти» бурғилаш паалийәтлирини башлиди

енергийә вә тәбиий байлиқлар министири фатиһ дөнмәз түркийәниң «абдулһәмид хан» намлиқ 4-бурғилаш парахотиниң «йөрүкләр -1 қудуқи» да бурғилаш паалийәтлирини башлиғанлиқини билдүрди.

1869417
«‹абдулһәмид хан› парахоти» бурғилаш паалийәтлирини башлиди

түркийә авази радийоси хәвири: министир дөнмәз, аммиви ортақлишиш тор бетидики сәһиписидә, «‹абдулһәмид хан› парахоти» ниң бурғилаш паалийәтлири һәққидә елан қилған байанатида, мундақ деди: «‹абдулһәмид хан› намлиқ бурғилаш парахотимиз <йөрүкләр – 1 қудуқи> да тунҗи бурғилаш паалийәтлирини башлиди. қарадеңизниң хушаллиқини бу қетим ақдеңиздики йеңи хуш хәвәрләр арқилиқ йашитиш ирадимиз қәтийдур. инженерлиримизниң меһнәтлири вә хәлқимизниң дуалириниң сайисида парахотимизниң тәлийи оң, бурғилаш паалийәтлири бәрикәтлик болғай.»

«абдулһәмид хан» намлиқ бурғилаш парахоти, җумһур рәис рәҗәп таййип әрдоған иштирак қилған мурасим арқилиқ, 9 – авғуст күни тунҗи вәзипә өтәш саһәси болған «йөрүкләр – 1 қудуқи» ға узитип қойулғаниди.

министир дөнмәз, парахотниң 10 – авғуст күни вәзипә өтәш саһәсигә йетип барғанлиқини уқтурғаниди.



مۇناسىۋەتلىك خەۋەرلەر