ақар украина дөләт мудапиә министири билән телефонлашти

түркийә авази радийоси хәвири: түркийә җумһурийити дөләт мудапиә министирлиқиниң билдүрүшичә, икки министирниң телефон сөһбитидә, украинадики өзгиришләр, ашлиқ йөткәш хизмити һәққидә өзара пикир алмаштурулған.

министир ақар, уруш тохтитиш келишими һасил қилинишниң зөрүрлүки, тинчлиқ орнитилиши вә украинаға инсанпәрвәрлик йардәм мәсилилиридә түркийәниң һазирғичә болғинидәк, буниңдин кейинму қолидин келишичә йардәмдә болушни давамлаштуридиғанлиқини тәкитлигән.

министирлар, ашлиқ йөткәш паалийәтлириниң һазирқи әһвали, бирләшмә кординатсийә мәркизидики һәмкарлиқ вә мас қәдәмдә ишлиниватқан хизмәтләрниң нәтиҗисидин интайин хурсән икәнликлирини ипадилигән.