soylu: türkiye zulumgha uchrighuchilarni esla yalghuz tashlap qoymidi

ichki ishlar ministiri sulayman soylu türkiyening süriye hakimiyiti we bölgünchi térrorluq teshkilati p k k/y p g/p y d ning zulum – sitemliri astida nale – peryad qilghan insanlarni esla yalghuz tashlap qoymighanliqini we qoymaydighanliqini éytti.

1867366
soylu: türkiye zulumgha uchrighuchilarni esla yalghuz tashlap qoymidi

türkiye awazi radiyosi xewiri: soylu, ammiwi ortaqlishish tor bétidiki sehipiside élan qilghan bayanatida, özi héch éytmighan bir sözning süriyening shimalida ammiwi taratqu hésabliri arqiliq tarqitilishqa urunuluwatqanliqini, bu ighwagerchilikning perde arqisida bölgünchi térrorluq teshkilati p k k/y p g ning barliqini tekitlep mundaq dédi: «bu suyiqestlik ighwagerchilikning perde arqisida bölgünchi térrorluq teshkilati p y d/p k k, s d g, süriye hakimiyiti we ighwagerler bar.»

türkiyening, süriye hakimiyiti we bölgünchi térrorluq teshkilati p y d/p k k ning zulum – sitemliri astida nale – peryad qilghan insanlarni esla yalghuz tashlap qoymighanliqini we qoymaydighanliqini éytqan soylu, mundaq dep körsetti: «türkiye özining insanperwerlik pezilitini, dostluqini we qoshnisini herdaim jan tikip qoghdaydu.»

süriye milliy armiyesi teripidin élan qilinghan yazma bayanattimu, süriyening shimalida ighwagerchiliklerning otturigha chiqqanliqi, heddidin ashquchilardin choqum hésab élinidighanliqi bildürüldi.

süriye milliy armiyesi 2 – korpus hemze alahide qismining bash qomandani séyf ebubekir, ammiwi ortaqlishish tor béti Twitter sehipiside élan qilghan bayanatida, süriye waqitliq hökümitide, yerlik mejlislerde, süriye milliy armiyesi qarargahlirida we térrorizmdin tazilanghan barliq kochilarda  shanliq türkiye bayriqini dawamliq köridighanliqlirini éytti.

süriye waqitliq hökümiti dölet mudapie ministirliqi teripidin élan qilinghan bayanattimu, mundaq déyildi: «bezi küchler, düshmenlerning menpeetlirini közde tutup, süriye we türkiye xelqliri otturisidiki qérindashliq we qandashliq munasiwetlirini buzushni nishan qilmaqta.»



مۇناسىۋەتلىك خەۋەرلەر