istanbulda bombiliq weqe peyda qilishqa teyyarliniwatqan bir térrorchi qolgha chüshürüldi

bölgünchi térrorluq teshkilati — p k k kattibashliridin murat qarayilanning yolyoruqigha asasen iran arqiliq türkiyege kirip bomba partlitip weqe peyda qilishqa teyyarliniwatqan bir térrorchi qolgha chüshürüldi.

1866719
istanbulda bombiliq weqe peyda qilishqa teyyarliniwatqan bir térrorchi qolgha chüshürüldi

türkiye awazi radiyosi xewiri: bölgünchi térrorluq teshkilati — p k k kattibashliridin murat qarayilanning yolyoruqigha asasen iran arqiliq türkiyege kirip bomba partlitip weqe peyda qilishqa teyyarliniwatqan «seydo botan gewer» yalghan isimlik térrorchi mehdi mihchi istanbulda yalghan kimlik bilen qolgha chüshürüldi.

türkiye jumhuriyiti ichki ishlar ministiri süleyman soylu özining ijtimaiy alaqe supisidiki adrésida uchur hembehrilep: «murat qarayilanning yolyoruqigha asasen iran arqiliq türkiyege kirgen p k k ning atalmish ​​alahide qisimliri ezasi, bomba yasashni ögetküchisi, istanbulgha weqe peyda qilish we qildurush üchün kelgen seydo butan gewer yalghan isimlik mehdi mihchi, muweppeqiyetlik élip bérilghan bir qétimliq herikette yalghan kimlik bilen istanbulda qolgha chüshürüldi» dédi.

ichki ishlar ministirliqining bu heqtiki bayanatidimu, istanbul jamaet xewpsizlik idarisi istixbarat shöbisining zerbe bérish herikitide mihchi bilen birlikte yene üch  jinayet gumandarining nazaret astigha élinghanliqi, bu kishiler turghan jaydiki tekshürüsh jeryanida qoral, yalghan kimlik we digital matériyallarning qolgha chüshürülgenliki qeyt qilindi.

bayanatta, mihchining 2014-yili bölgünchi térrorluq teshkilati — p k k gha qatnashqanliqining éniqlanghanliqi bildürüldi.

süleyman soylu yene bir tiwittér uchurida, süriyening azer mare rayonida bölgünchi térrorluq teshkilati p k k / k j k ezasi ebu eli texellusluq hesen nejjarning adem bomba jilitkisi we nurghun oq – dora bilen birlikte qolgha chüshürülgenlikini bildürdi.


خەتكۈچ: #uyghurche , #térror , #türkiye

مۇناسىۋەتلىك خەۋەرلەر