chawushoghlu: «türkiye» markisini kücheytish üchün tirishchanliq körsitishni dawamlashturimiz
dölitimiz (türkiye jumhuriyiti) tashqi ishlar ministiri mewlut chawushoghlu 13 – nöwetlik bash elchiler yighinidiki sözide, özlirining «türkiye» markisini kücheytishni dawamlashturuwatqanliqlirini éytti.
türkiye awazi radiyosi xewiri: ministir chawushoghlu türkiyening alaqe jehette intayin halqiliq bir peytte turuwatqanliqini tilgha élip, qaymuqturush we uchur bulghinishining hayatliq réalliqi ikenlikini, bularning asasiy éqimdiki metbuatlarnimu ilkige éliwalghanliqini we türkiyening pat - patla selbiy teshwiqatlarning hujumigha uchrawatqanliqini otturigha qoydi.
u, türkiyening térrorluqqa qarshi turushtin tartip taki 1915-yil weqelirigiche, qarabagh urushidin rusiye-ukraina urushighiche bolghan nurghun mesililerde töhmetlerning nishanigha aylanghanliqini tilgha élip: «bu menidin éytqanda, alaqe belkim diplomatiyening eng muhim teripi bolushi mumkin. shunglashqa, uchur - alaqe bashqarmimiz yolgha qoyghan istratégiyelik ramka ichide, ministirliqimiz we bashqa alaqidar terepler otturigha qoyghan alaqe xizmetliri intayin muhim» dédi.
mewlüt chawushoghlu, özlirining jumhur reislik mehkimisi uchur – alaqe ishliri idarisi, hemde türkiye radiyo-téléwiziye idarisi (TRT) we anadolu agéntliqi (AA) bilen qoyuq hemkarliq ornitiwatqanliqlirini bildürdi.
«türkiye» markisini kücheytish üchün ortaq tirishchanliq körsitiliwatqanliqini tekitligen tashqi ishlar ministiri mewlüt chawushoghlu sözini dawamlashturup: «jumhur reisimizning rehberlikide dölitimizning namini chet el tillirida «türkiye» dep atash teshebbusi muhim bir qedem boldi. biz bu mesilide chet ellerdiki barliq wakaletxanilirimiz bilen birlikte dawamliq tirishchanliq körsitimiz» dégenlerni qeyt qildi.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.
