chawushoghlu kobagha teziye bildürdi

dölitimiz (türkiye jumhuriyiti) tashqi ishlar ministiri mewlüt chawushoghlu, kubaning matanzas portidiki may qachilash ponkitida yüz bergen partlash sewebidin kuba xelqige teziye bildürdi.

1865873
chawushoghlu kobagha teziye bildürdi

türkiye awazi radiyosi xewiri: kuba tashqi ishlar ministirliqi twittér adrésida uchur hembehrilep, chawushoghluning matanzastiki partlash we uningdin kéyin yüz bergen ot apitidin qattiq qayghurghanliqini bildürgenlikini uqturdi.

bayanatta körsitilishiche: ministir mewlüt chawushoghlu télégrammisida, «türkiye xelqi we hökümitige wakaliten, weqening tesirige uchrighanlargha chin qelbimizdin teziye bildürimiz we ulardin hal soraymiz. yarilanghanlarning salametlikining tézrek eslige kélishini tileymiz. dost kuba xelqining azabini ortaqlishimiz» dégen ibarilerge orun bergen.

8-ayning 5-küni kubaning matanzas portidiki may qachilash bazisida yüz bergen partlashta yarilanghanlar sani 125 ke yetti, weqede bir adem qaza qildi.

weqe yüz bergen rayondin tarqaqlashturulghanlar sanining 4000 din éship ketkenliki bildürüldi.


خەتكۈچ: #uyghurche , #teziye , #kuba , #türkiye

مۇناسىۋەتلىك خەۋەرلەر