чавушоғлу: «биз фәтһуллаһчиларниң дөлитимизгә қарши бөһтанлириға қарши күрәш қиливатимиз»

ташқи ишлар министири мәвлут чавушоғлу, «биз п к к, фәтһуллаһчи вә башқа террорлуқ тәшкилатлириниң дөлитимизгә қарши тәшвиқат вә бөһтанлириға қарши күрәш қиливатимиз» деди.

1866135
чавушоғлу: «биз фәтһуллаһчиларниң дөлитимизгә қарши бөһтанлириға қарши күрәш қиливатимиз»

түркийә авази радийоси хәвири: мәвлут чавушоғлу 13 - нөвәтлик баш әлчиләр йиғини даирисидә әдлийә министири бәкир боздағму баш әлчиләргә хитаб қилған йиғинда нутуқ сөзлиди.

чавушоғлу түркийәниң «терорлуқтин нурғун азаб чәккән дөләт» икәнликини әскәртип, «биз бир нәччә йилдин буйан адаләт билән бихәтәрлик оттурисидики назук тәңпуңлуқни көзитип келиватимиз. бу мәсилиләр чәтәлдики вәзипилиримизниң муһим тәркибий қисмини тәшкил қилиду. биз һәм п к к ға, һәм фәтһуллаһчиларға вә башқа терорлуқ тәшкилатлириниң вәтинимизгә қарши тәшвиқат вә бөтанлириға қарши күрәш қиливатимиз» дегән сөзләрни ишләтти.

чавушоғлу «заманиви дипломатийәниң көп қатламлиқ, көп хил ортақлиқ вә көп актийорлуқ» икәнликини тәкитләп, һәмкарлиқ орнитишниң органлар ара охшимиған көз қарашларни моллаштуридиғанлиқини билдүрди. әдлийә министирлиқиниң бу органларниң алдинқи қатарида туридиғанлиқини тәкитләп, «қанун билән идарә қилиш, демократийә вә кишилик һоқуқ» қатарлиқ уқумларниң ташқи сийасәтниң асасий принсиплириниң бирси икәнликини ейтти.

мәвлут чавушоғлу йәнә, әдлийә министирлиқи билән болған һәмкарлиқ тоғрисида мәлумат берип, шивитсийә вә финландийә билән шималий атлантик әһди тәшкилатиға әза дөләтләр үчүн түзүлгән келишимниң муһим бир қисминиң әдлийә мәсилисигә четилидиғанлиқини ейтти. у йәнә сәзгүр ташқи сийасәт мәсилилиридә әдлийә министирлиқиниң пикир-тәклиплирини елип, ортақ хизмәт қилғанлиқини әскәртип, «йавропадики пуқралиримизға қарита күнсери күчийиватқан кәмситиш вә ирқчилиқ қилмишлири һәққидә хизмәт ишләшму интайин муһим. биз әдлийә министирлиқи вә чәтәлдики тәшкилатимиз билән һәмкарлишиватимиз» деди. мәвлут чавушоғлу хәлқара саһәдә йавропа кеңиши, йавропа кишилик һоқуқ соти вә бирләшкән дөләтләр тәшкилати қатарлиқ тәшкилатлар билән наһайити қойуқ һәмкарлишиватқанлиқини қәйт қилди.



مۇناسىۋەتلىك خەۋەرلەر