чавушоғлу: қибрис түрклириниң һәқ – һоқуқлирини қоғдаватимиз

ташқи ишлар министири мәвлүт чавушоғлу қибрис түрклириниң тартивелинған һәқ – һоқуқлирини қоғдаватқанлиқлирини вә бу һәқ – һоқуқларниң қибрис түрклиригә қайтуруп берилишини тәләп қилди.

1865680
чавушоғлу: қибрис түрклириниң һәқ – һоқуқлирини қоғдаватимиз

түркийә авази радийоси хәвири: чавушоғлу, 13 -  нөвәтлик баш әлчиләр конферанси даирисидә шималий қибрис түрк җумһурийити җумһур рәиси әрсин татар баш әлчиләргә хитаб қилған олтурушта сөз қилди.

министир чавушоғлу, узун йиллар түркийә вә шималий қибрис түрк җумһурийити ташқи ишлар министирлиқлири болуш сүпити билән қибрис түрклириниң һәқ – һоқуқлирини қоғдаш йолида мүрини мүригә тирәп  күрәш қилғанлиқлирини тәкитләп мундақ деди: «биз илгири қийин музакириләрни елип бардуқ. болупму җәнубий қибрис рум һакимийити мәсилиниң һәл қилинишини халимиғанлиқи вә қибрис түрк хәлқи билән һечқандақ бир нәрсини ортақлишишни халимиғанлиқи үчүн, бу музакириләрдин һечқандақ үнүм һасил қилалмидуқ.»

әң ахирқи қетим кранс-монтанада буниңдин кейин федератсийә түзүми үчүн сөһбәт елип бармайдиғанлиқлирини тәкитлигәнликлирини ейтқан чавушоғлу, шималий қибрис түрк җумһурийити җумһур рәиси әрсин татар пирезидент намзати болған вақитта сайлам сәпәрвәрлик паалийәтлиридә буни көп қетим тәкитлигәнликини қәйт қилди.

у, қибрис түрк хәлқиниң әрсин татарни қизғин қоллап, таллиғанлиқини әскәртип мундақ деди: «қибрис түрклириниң тартивелинған һәқ – һоқуқлирини қоғдаватимиз вә бу һәқ – һоқуқларниң қибрис түрклиригә қайтуруп берилишини тәләп қилимиз.»

чавушоғлу, қибриста сөһбәт өткүзүлмәкчи болса, «қибрис түрк хәлқиниң игилик һоқуқи баравәрлики вә тәң һоқуқлуқ салаһийитиниң етирап қилиниши» керәкликини тәкитләп мундақ деди: «әгәр сөһбәт өткүзүшкә тоғра кәлсә, әмди икки хәлқ оттурисида әмәс, бәлки икки игилик һоқуқлуқ дөләт өткүзүлүши керәк.»

«бүгүнки күнгичә һәр җәһәттин иҗабий позитсийә тутуп кәлгән болушимизға  қаримай, йавропа иттипақини өз ичигә алған ғәрб әллири вәдисидә турмай, шималий қибрис түрк җумһурийитини вә қибрис түрк хәлқини йетим қалдурушқа урунуватиду. әмма биз, түркийә ташқи ишлар министирлиқи болуш сүпитимиз билән, түркийә җумһурийити болуш сүпитимиз билән, җумһуримиз рәис рәҗәп таййип әрдоғанниң рәһбәрликидә, пүткүл дунйада шималий қибрис түрк җумһурийитиниң һәқ – һоқуқлирини җан тикип қоғдаш үчүн тиришчанлиқ көрситиватимиз.»



مۇناسىۋەتلىك خەۋەرلەر