bayramow enqerede chaqirilghan 13 - nöwetlik bash elchiler yighinida söz qildi
ezerbeyjan tashqi ministiri jeyhun bayramow tünügün paytext enqerede ötküzülgen 13-nöwetlik bash elchiler yighinigha qatniship sözdi.
türkiye awazi radiyosi xewiri: ezerbeyjan tashqi ministiri jeyhun bayramow tünügün paytext enqerede ötküzülgen 13-nöwetlik bash elchiler yighini ishtirakchilirigha söz qilip, türkiye diplomatiyisining muweppeqiyiti bilen türkiyening xelqara aktiyor (küch) luq rolini kündin-künge ashuruwatqanliqini otturigha qoydi.
u, ikki dölet munasiwetlirining türkiye diplomatlirining her xil xelqaraliq supilarda ezerbeyjanning menpeetini, ezerbeyjan diplomatlirining türkiyening menpeetlirini öz dölitining menpeetige oxshashla qoghdishi sayisida közlengen derijige yetkenlikini bildürdi.
yéqinqi 30 yilda xelqara sistémida téz we körünerlik özgirishlerning bolghanliqini tilgha alghan bayramow, bu barliq tereqqiyatlarning emeliyette xelqara sistémidiki dawalghush we naraziliqlarni körsitip béridighanliqini ilgiri sürdi.
türkiyening paaliyetlirining nöwette xelqara adaletni ornitishta pütün dunya üchün ülge bolghanliqini tekitligen bayramow, 500 yilliq mirasqa ige türkiye diplomatiyesining muweppeqiyetlirining türkiyening xelqara aktiyorluq rolini kündin künge ashuruwatqanliqini éytti.
u, dunyaning nurghun jayliridiki saqliniwatqan mesililerni hel qilish üchün türkiyening <ishenchlik muressechi> süpitide teklip qiliniwatqanliqini tilgha alghan bayramow, türkiyening süriye, liwiye, ukraina kirizislirida xelqara qanun we insaniy qimmet qarashni aldinqi orungha qoyghanliqini buning türkiye diplomatiyesining yiraqni körerliki, chongqurluqi, insaniyliqi we adalette ching turidighanliqini eks ettürüp bergenlikini bildürdi.
ezerbeyjan tashqi ministiri bayramow, zéminini erméniye ishghaliyitidin azad qilishi jeryanida ezerbeyjanni siyasiy we diplomatik jehettin biwasite qollighan türkiyening, qeddini tik tutup, heq, heqiqet we adalet terepte turghan bir dölet süpitide tarix sehipiliridin orun alghanliqini sözlirige ilawe qildi.
