erdoghan israiliyening ghezzege qaratqan hujumliri we süriye herbiy herikiti toghrisida toxtaldi

jumhur reis rejep tayyip erdoghan paytext enqerediki chanqaya sariyida bashlanghan 13 – nöwetlik bash elchiler yighinida söz qilip, türkiyening pelestin xelqi we ghezzelik qérindashliri bilen bir septe ikenlikini éytti.

1865239
erdoghan israiliyening ghezzege qaratqan hujumliri we süriye herbiy herikiti toghrisida toxtaldi

türkiye awazi radiyosi xewiri: jumhur reis erdoghan, türkiyening, israiliyening ghezzediki puqralarni zerbe bérish obyékti qilghan hujumlirigha roshen pozitsiye bildürgenlikini tilgha élip: «balilarni, zakisidiki bowaqlarni öltürüshning héchqandaq bahanisi bolmaydu. türkiye pelestin xelqi we ghezzelik qérindashlirining yénididur» dédi.

u sözi esnasida süriyede yéngi bir qétimliq zerbe bérish herikiti élip bérilidighanliqining signalini bérip: «bizning jenub chégramizni boylap 30 kilométir chongqurluqqa ige bir bixeterlik liniyesi qurush qararimiz yenila küchke ige. süriyediki térrorchilar uwa salghan eng axirqi rayonlarnimu tazilap, bu bixeterlik torining halqilirini inshaallah pat pursette birleshtürimiz» dédi.

ezerbeyjan bilen erméniye otturisidiki yéqinqi özgirishler toghrisidimu toxtalghan erdoghan: «erméniyening özgirishlerni toghra yekünlep, ezerbeyjan bilen türkiyening semimiy chaqiriqlirigha awaz qoshushi bilen birlikte, rayonimizning muqimlishidighanliqigha ishinimen» dédi.

u yene, sherqiy aqdéngizdiki tebiiy gaz xizmetlirinimu tilgha élip: «biz, salahiyet dairimizdiki rayonlarda bizni chetke qayrip qoyup bir heriket yaki ishning qilinishigha yol qoymiduq, buningdin kéyinmu yol qoymaymiz» dégenlerni sözlirige ilawe qildi.



مۇناسىۋەتلىك خەۋەرلەر