mewlut chawushoghlu 13 - nöwetlik bash elchiler yighinida muhim söz qildi

tashqi ishlar ministiri mewlut chawushoghlu israiliyening ghezze we pelestinliklerge qilghan tajawuzchiliqini qattiq eyibleydighanliqini élan qildi.

1865038
mewlut chawushoghlu 13 - nöwetlik bash elchiler yighinida muhim söz qildi

türkiye awazi radiyosi xewiri: tashqi ishlar ministiri mewlut chawushoghlu paytext enqerede ötküzülgen 13 - nöwetlik bash elchiler yighinida nutuq sözlidi.

chawushoghlu türkiyening pelestin mesilisige qaratqan küchlük qollishining dawamlishidighanliqini bildürüp, «israiliyening ghezzege qilghan hujumi we israiliyening radikal yehudiy guruppilirining meschidi eqsagha bésip kirish urunushlirini qobul qilghili bolmaydu. israiliyeni qattiq eyibleymiz. tünügün kechte élan qilinghan urush toxtitishning menggülük bolushini ümid qilimiz» dédi.

chawushoghlu türkiyening téximu adil bir dunya tertipining bayraqdarliqini qiliwatqanliqini tekitlep, «yer shari ashliq krizisini hel qilish üchün ukraina ashliqini éksport qilish kélishimi we kélishimning yolgha qoyulushigha alaqidar istanbul ehdinamisi qatarliq tereqqiyatlar diplomatiyemizning dunyawi namayendisige aylandi» dédi.

ezerbeyjangha hemkarliq signali bérip, erméniyeni yéngi ighwagerchiliklerni qilmasliq heqqide agahlandurghan tashqi ishlar ministiri chawushoghlu, «eger biz yalghuz netijige érishturgen xizmetlirimizni yawropa ittipaqi bilen birlikte qilghan bolsaq iduq, yawropa ittipaqi dunyaning herqaysi jaylirida  alemshumul aktiyorgha aylanghan bolatti» dédi hemde yawropa bixeterlikining türkiyege éhtiyaji barliqini éytti.

chawushoghlu girétsiye bilen bolghan munasiwetler üstidimu toxtilip, «sherqiy aq déngiz siyasitimizni xelqara qanun we heqqaniyet prinsipigha uyghun shekilde muressesiz dawamlashturiwatimiz. ege déngizida öz-ara munasiwetlik mesililerning bir terep qilinishini, etrapliq, menggülük we xelqara qanun boyiche hel qilinishini ümid qilimiz. biraq girétsiye mesililerni hel qilish iradisini shekillendürelmeywatidu» dédi.

ministir chawushoghlu ukraina krizisining türkiyening qedir - qimmitini yene bir qétim namayan qilghanliqini tekitlep, «tarixning éqishi türkiyening dostluqini ögetti» dédi.

iraqtiki özgirishlernimu yéqindin közitiwatqanliqini tekitligen ministir chawushoghlu, «biz bölgünchi térorluq teshkilati p k k ning bu dölettiki mewjutluqini yoqutush üchün konkrét qedemlerning tashlinishini ümid qilimiz» dédi.

mewlut chawushoghlu térorluq teshkilatliri toghrisida amérikadin kütken qollashqa érishelmigenlikini eskertip, «amérika qanunluq ümitlirimizge uyghun ish qilishi kérek, dep oylaymiz» dédi.



مۇناسىۋەتلىك خەۋەرلەر