chawushoghlu ismail heniyye we hesen turan bilen téléfonlashti
mewlüt chawushoghlu, hamas siyasiy biyurosi bashliqi ismail heniyye we iraq türkmen fronti reisi hesen turan bilen téléfonlashti.

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu pelestin islamiy qarshiliq körsitish herikiti — hamas siyasiy biyurosi bashliqi ismail heniyye bilen téléfonlashti.
türkiye jumhuriyiti tashqi ishlar ministirliqi bayanat élan qilip, mewlüt chawushoghlu bilen ismail heniyyening téléfonliship, israiliyening muhasirisi astidiki ghezzege qaratqan hawa hujumliri we mesjidi eqsagha basturup kirish weqesi toghrisida sözleshkenlikini bildürdi.
ministir mewlüt chawushoghlu yene, iraq türkmen fronti reisi hesen turan bilenmu téléfonlashti؛ u özining hesen turan bilen téléfonlashqanliqi toghrisida uchur hembehrilep: «rayondiki eng yéngi özgirishlerge asasen, iraqning tinchliq we muqimliqi bilen türkmen qérindashlirimizning tinchliqi we parawanliqi üchün tashlinidighan qedemlerni muhakime qilduq. biz her daim iraq türkmenlirining yénidimiz» dégenlerni qeyt qildi.