ashliq bésilghan üch paraxot yolgha chiqti

türkiye dölet mudapie ministirliqi qonaq bésilghan panama, malta we türkiye bayraqliri ésilghan paraxotlarning ukrainadin yolgha chiqqanliqini bildrüdi.

1863973
ashliq bésilghan üch paraxot yolgha chiqti

türkiye awazi radiyosi xewiri: türkiye dölet mudapie ministirliqi qonaq bésilghan üch paraxotning ukraina portliridin yolgha chiqqanliqini élan qildi.

ministirliqning bayanatida bildürülishiche, ukrainadin irélandiyege baridighan we 33 ming tonna misir bésilghan panama bayriqi ésilghan «nawistar» namliq paraxot, odésa portidin yolgha chiqqan. paraxot istanbulning shimalida birleshme kordinatsiye merkizide tekshürülidiken.

13 ming tonna misir bésilghan we türkiye bayriqi ésilghan ikkinchi paraxot ukrainaning chérnomorsk portidin engliyege qarap yolgha chiqqan bolup, bu paraxotmu oxshashla istanbulning shimalida birleshme kordinatsiye merkizi teripidin tekshürülidiken.

malta bayriqi ésilghan «rojén» namliq paraxotning déngiz sepiri bolsa, birleshme kordinatsiye merkizi teripidin nazaret qilinmaqta iken.

bu jeryanda, ukrainaning chérnomorsk portidin ashliq bésish üchün istanbulning shimalida lengger tashlighan «fulmar s» namliq paraxotningmu birleshme kordinatsiye merkizi teripidin tekshürülüwatqanliqi bildürüldi.

ukrainaning odésa portidin qonaq bésip yolgha chiqqan birinchi paraxot «razoni», istanbuldiki tekshürüshlerni axirlashturup liwanning tiripoli portigha qarap heriket qilghan idi.

türkiye dölet mudapie ministiri hulusi akar ukraina portlirida ashliq bésip saqlap turuwatqan üch paraxotning bügün (2022-yili 5-awghust) yolgha chiqishining pilan qilinghanliqini élan qilghan idi.

u ukraina dölet mudapie ministiri oléksiy réznikow we ukraina astiqurulma ministiri oléksandir kubrakow bilen ayrim-ayrim körüshüp, ashliq yötkesh mesililiri we nöwettiki weziyet heqqide özara pikir almashturghan idi.



مۇناسىۋەتلىك خەۋەرلەر