TruGo tok qachilash üskünilirini sinaq qilishqa bashlidi
türkiye aptomobil tetqiq qilip yasash goruhi (Togg) ning tok qachilash tori markisi TruGo özi ishlepchiqarghan tok qachilash üskünilirini sinaq qilishqa bashlidi.
türkiye awazi radiyosi xewiri: TruGo ning ammiwi ortaqlishish tor béti Twitter sehipiside, bu heqte élan qilghan bayanatida, mundaq déyildi: «gemliktiki muessesemizde tunji TruGo tok qachilash üskünilirimizni sinaq qilishqa bashliduq.»
sinaq heqqide élan qilinghan sinliq yene bir bayanatta, bu üskünining bataréyege 25 minutta % 80 tok qachilap bolalaydighanliqi eskertildi.
türkiye aptomobil tetqiq qilip yasash goruhi (Togg), aldinqi ayda élan qilghan bayanatida, tokluq aptomobil ishletküchilerning tok qachilash ponkiti tépish endishisini yoqitishni nishan qiliwatqan TruGo ning, qatnash wasitiliri zich yuqiri süretlik tashyollarda 25 kilométir, töwen süretlik tashyollarda bolsa 50 kilométirda bir tok qachilash ponkitlirining bolidighanliqini uqturghanidi.
