chawushoghlu kambodzhada yéngi zélandiye tashqi ishlar ministiri bilen körüshti
diplomatiye ministiri mewlüt chawushoghlu kambodzhada yéngi zélandiye tashqi ishlar ministiri nananiya mahuta bilen bir yerge jem boldi.
türkiye awazi radiyosi xewiri: chawushoghlu, 4 – nöwetlik sherqiy jenubiy asiya elliri ittipaqi - türkiye diyalog hemkarliqi üch tereplik tashqi ishlar ministirliri yighinigha qatnishish üchün yétip barghan kambodzhaning paytexti finom pénde, ikki tereplik uchrishishlarni élip bérishqa bashlidi.
ministir chawushoghlu, ziyariti dairiside, aldi bilen, qatar tashqi ishlar ministiri muhemmed bin abdurrahman alsani bilen bir yerge jem boldi.
uchrishishta, ikki terep munasiwetliri, yer shariwi we rayonluq mesililer heqqide muzakire élip bérildi.
chawushoghlu, alsani bilen körüshkendin kéyin, yéngi zélandiye tashqi ishlar ministiri nananiya mahuta bilen bir yerge jem boldi.
uchrishishta, öchmenlik jinayetliri, irqchiliqqa qarshi küreshte hemkarliq ornitish, ukraina we jenubiy sherqiy asiyadiki özgirishler muzakire qilindi.
chawushoghluning, sherqiy jenubiy asiya elliri ittipaqining nöwetchi reisi, kambodzha muawin bash ministiri, qoshumche tashqi ishlar we xelqara hemkarliq ishliri ministiri prak sokxon we sherqiy jenubiy asiya elliri ittipaqi bash katipi lim jok xoy bilen körüshüshi kütülmekte, hemde üch tereplik uchrishishta, türkiye – sherqiy jenubiy asiya elliri ittipaqi munasiwetlirining hazirqi ehwalining közdin kechürülüshi we kelgüsige qarita ijabiy hemkarliq teklipliri heqqide muzakire élip bérilishi mölcherlenmekte.
