ئىراقنىڭ شىمالىدا تېررورچىلارغا زەربە بېرىلدى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى ئىجتىمائىي تاراتقودىكى ئادرېسىدا بايانات ئېلان قىلىپ: «ئارمىيەمىز تېررورچىلارغا قارشى كۈرىشىنى ئۈنۈملۈك شۇنداقلا قەتئىي ئىرادە بىلەن داۋاملاشتۇرماقتا. ئىراقنىڭ شىمالىدىكى مۇۋۋەپپەقىيەتلىك داۋاملىشىۋاتقان <پەنچە-كلىت> ھەربىي ھەرىكىتى رايونىدا بىر، مەتىنا رايونىدا ئىككى بولۇپ جەمئىي ئۈچ تېررورچى بىر تەرەپ قىلىندى» دېگەنلەرنى قەيت قىلدى.