türkiye we türk dunyasi qurban héyt shadliqigha chömdi
qurban héytning bashlinishi bilen birlikte, dunyaning herqaysi döletliridiki musulmanlargha oxshashla türkiye musulmanlirimu qurban héyt namizini ötesh üchün meschitlerni toldurdi.
türkiye awazi radiyosi xewiri: türkiye büyük milliy mejlisi reisi mustapa shentop qurban héyt namizini istanbuldiki ayasofyai kebir jamii sherifte ötidi؛ u türk xelqi we islam alemining qurban héytini tebriklidi.
ichki ishlar ministiri sulayman soylu héyt namizini hakkarining yüksekowa warkawik töpiliki herbiy bazisidiki eskerler bilen birlikte ötidi.
ezerbeyjanning paytexti bakuda xelq meschitlerni toldurup, héyt namizi üchün seplerni toldurdi؛ pirézidént ilham eliyéw tebrik télégrammisi tarqitip, ezerbeyjanliqlarning héytini tebriklidi.
qirghizistan musulmanlirimu héyt namizini meschitlerde we chong sheherlerning chong meydanlirida ötidi؛ qirghizistan pirézidénti sadir japparow qurban héyt munasiwiti bilen télégramma tarqitip, xelqning héytini tebriklidi.
özbékistanningmu herqaysi jame we meschitliride qurban héyt namizi ada qilindi.
qazaqistan musulmanliri qurban héytni jamelerning seynalirida eneniwi tenterbiye oyunliri we xeyr – saxawet paaliyetlirini ötküzüp tebriklimekte؛ qazaqistan pirézidénti qasim jömert toqayéw héyt munasiwiti bilen uchur tarqitip, qurban héytning jemiyettiki meniwi qimmetler, maslishish we muqimliqning küchiyishide muhim rol oynayighanliqini ilgiri sürüp, «bu mubarek künde barliq dualirimiz qobul qilinghay» dégenlerni qeyt qildi.
shimaliy qibris türk jumhuriyiti jumhur reisi ersin tatar héyt namizini girnediki nurettin ersin pasha jameside ötidi.
