erdoghan: türkiyening yéqinqi 10 yil ichide somaligha qilghan yardimi 1 milyard dollardin ashti

dölitimiz (türkiye jumhuriyiti) jumhur reisi rejep tayyip erdoghan türkiyening yéqinqi 10 yilda somaligha qilghan insanperwerlik we tereqqiyat yardimining 1 milyard dollardin éship ketkenlikini éytti.

1852884
erdoghan: türkiyening yéqinqi 10 yil ichide somaligha qilghan yardimi 1 milyard dollardin ashti
Hasan Seyh Mahmud-Erdogan1.jpg
Hasan Seyh Mahmud-Erdogan.jpg
erdogan somali.jpg

türkiye awazi radiyosi xewiri: somali pirézidénti hesen sheyx mehmud üchün türkiye jumhuriyiti jumhur reislik mehkimiside resmiy qarshi élish murasimi ötküzüldi.

kéyinche ayrim we heyetler ara uchrishishlar arqiliq türlük kélishimlerni imzalash murasimidin kéyin, qoshma axbarat élan qilish yighini ötküzüldi.

jumhur reis rejep tayyip erdoghan, bu yerde qilghan sözide, xelqara jemiyetning tebiri boyiche éytqanda, somalining 2011 – yili yimirilish basquchigha qedem qoyghanliqini, shu yili keng dairilik wekiller ömiki bilen somalini ziyaret qilip, somalini qollaydighanliqliri toghruluq signal bergenliklirini eskertish bilen bir waqitta, shu qétimqi ziyaret munasiwiti bilen, türkiyening mogadishu elchixanisini ishqa kirishtürgenliklirini, derweqe, türkiyening eng chong elchixanisining somalida ikenlikini qeyt qildi, hemde sehiyedin maaripqiche, ul eslihedin dölet qurulmisini tereqqiy qildurushqiche bolghan her sahede dawamliq somalini qollap kéliwatqanliqlirini tekitlep mundaq dédi: « yéqinqi 10 yil ichide somaligha qilghan insanperwerlik we tereqqiyat yardimimiz 1 milyard dollardin éship ketti. bügünki künde somalining nurghun sahede, bolupmu bixeterlik we iqtisadta körünerlik ilgirileshlerni qolgha keltürüwatqanliqidin intayin xushalmen.»

somali pirézidénti hesen sheyx mehmud bilen élip barghan uchrishishlarda, türkiye – somali munasiwetliri heqqide tepsiliy muzakire ötküzgenliklirini eskertken erdoghan, türlük sahelerdiki hemkarliqlarni dawamliq kücheytish we ikki terep munasiwetlirining asasini puxta tiklesh mesiliside birdeklik hasil qilghanliqlirini qeyt qildi.

uchrishishlarda, rayonluq mesililer toghriliqmu muzakire élip bérip, somalining muqimliqi we bixeterlikining pütkül afriqa tumshuqi üchün nahayiti zor ehmiyetke ige ikenlikini tekitligenliklirini éytqan jumhur reis erdoghan, türkiye bolush süpiti bilen, somalining muqimliqi wb bixeterlikige, térrorizmgha qarshi  kürishige hesse qoshushni dawamlashturush iradilirining qetiylikini yene bir qétim tekrarlidi.

somali pirézidénti hesen sheyx mehmud, uchrishishliri dairiside, aldi bilen, ispartada terbiyeliniwatqan somaliliq eskerlerni, kéyinche, türkiye jumhuriyitining qurghuchisi ghazi mustapa kamal atatürkning qebrisi bar bolghan atatürk xatire sariyini ziyaret qilghanidi.


خەتكۈچ: #yardem , #somali , #türkiye , #erdoghan

مۇناسىۋەتلىك خەۋەرلەر