döletlik istixbarat teshkilati (MIT) yene bir térrorchi kattiwashni  ujuqturdi

döletlik istixbarat teshkilati (MIT) iraqning shimalidiki herikiti bilen bölgünchi térorluq teshkilati p k k ning atalmish ​​yuqiri derijilik emeldarini ujuqturdi.

1851547
döletlik istixbarat teshkilati (MIT) yene bir térrorchi kattiwashni  ujuqturdi

türkiye awazi radiyosi xewiri: bixeterlik menbeliridin igilengen uchurlargha asaslanghanda, térorluq teshkilatining qoralliq paaliyetlirini bashquridighan atalmish ​​p k k-h p g kéngesh ezasi we teshkilatning ayallar qurulmisi «YJA-STAR» ning yuqiri derijilik bashqurghuchisi, kod ismi berfin nurhaq we esli ismi <xanim demir> bolghan ayal térorchi iraqning shimalida döletlik istixbarat teshkilati (MIT)  teripidin ujuqturulghan.

teshkilat xizmetchiliri bilen ötküzülidighan yighinning orni éniqlanghandin kéyin, derhal démirgha qarshi heriket élip bérilghan. térrorchi démir we uning p k k ezasi hemrahliri iraqning shimalidiki gara rayonida ujuqturulghan.

térrorchi démirning 1990 - yillirida térorluq teshkilati p k k gha qatnashqanliqi, bixeterlik qisimlirigha qarshi nurghun heriketlerni pilanlighuchilarning biri ikenliki bildürüldi.

teshkilatning gara we sinjardiki térrorluq paaliyetlirini bashquridighan démirning teshkilat ezalirigha idiologiyelik we qoralliq terbiye bergenliki melum.

2021 - yili döletlik istixbarat teshkilati (MIT)  kod ismi «sofi nurettin» we esli ismi  xalef muhemmed namliq térrorluq teshkilati kattiwéshini ujuqturghandin kéyin, térrorchi démirning uning ornigha teyinlengenliki éniqlanghan idi.



مۇناسىۋەتلىك خەۋەرلەر