b d t: afghanistan 1 milyon 200 ming qiz ottura mektep maaripidin mehrum qaldi

türkiye awazi radiyosi xewiri: birleshken döletler teshkilati kishilik hoquq aliy komissari mishél bachélét, b d t kishilik hoquq kéngishining 50-qétimliq yighini dairiside chaqirilghan «afghanistandiki ayallar we qizlarning hoquqi» témiliq yighingha qatniship söz qilip, afghanistandiki iqtisadiy weyranchiliq sewebidin «ayallar bashchiliqidiki aile ezalirining  %90 ining acharchiliq yaki yémeklik bixeterlikining tesirige uchrawatqanliqi»ni otturigha qoydi.

her xil kesiptiki ayallargha qaritilghan zorawanliqning kücheygenlikini tekitligen bachélét, ayallargha qoyulghan kiyim-kéchek we heriket cheklimisining ayallar arisida pisxikiliq késelliklerni peyda qilghanliqini ilgiri sürüp, «dölet iqtisadining pütünley yimirilishige egiship, ishsiz ayallar sani shiddet bilen ashti we nurghun ayallar bashquridighan karxanilar taqiwétildi» dédi.

taliban waqitliq hökümitining bergen wedilirige qarimay, ayallarning maarip hoquqigha qoyulghan cheklimilerni dawamlashturuwatqanliqini bildürgen bachélét: «1 milyon 200 ming qiz ottura mektep maaripini dawamlashturalmaywatidu» dédi.