андерсон: түркийә билән җинайәтчиләрни өткүзүп бериш мәсилисидә қойуқ дийалог орнитимиз

шиветсийә баш министири магдалена андерсон җинайәтчиләрни өткүзүп бериш мәсилисидә түркийә билән қойуқ дийалог орнитидиғанлиқини ейтти.

1849580
андерсон: түркийә билән җинайәтчиләрни өткүзүп бериш мәсилисидә қойуқ дийалог орнитимиз

түркийә авази радийоси хәвири: шиветсийә баш министири андерсон түркийә, шиветсийә вә финландийә тәрипидин бүгүн әтигәндә (29-ийун) испанийә пайтәхти мадридта имзаланған үч тәрәп әһдинамисидин кейин финландийә дөләт телевизийәси «YLE» ға байанат бәрди.

у: «түркийә билән җинайәтчиләрни өткүзүп бериш мәсилисидә қойуқ дийалог орнитимиз. террорлуққа қарши қандақ күрәш қилидиғанлиқимизни хәлқара қанун даирисидә сөһбәтлишип чүшәндүримиз» деди.

у: «бу җәрйанда ким техиму көп йол қойди?» дегән соалға җаваб беришни рәт қилди.

бу җәрйанда, бөлгүнчи террорлуқ тәшкилати п к к/ й п г ниң қоллиғучиси, мустәқил парламент әзаси аминаһ какабавеһ түркийә билән үч тәрәп әһдинамисини имзаланғанлиқиға қарита, «бу бизгә нисбәтән зулмәтлик бир күн» дәп баһа бәрди вә өзиниң парламентта шиветсийә ташқи ишлар министири ән линдеға наразилиқ соал мәктуби тапшурушқа тиришидиғанлиқини ейтти.

террорлуқ тәшкилати п к к/ й п г ниң қоллиғучиси аминаһ какабавеһ <TV4> телевизийә қанилиға байанат байанат берип, линдаға қарита наразилиқ соал мәктуби тапшуруш үчүн парламентта 35 парламент әзасиниң имзаси керәкликини вә бу тоғрида һәрикәт қилидиған 35 парламент әзасиниңму парламентта барлиқини ейтти.

 



مۇناسىۋەتلىك خەۋەرلەر