türkiye töt terep yighinida zor utuqlarni qolgha keltürdi

türkiye awazi radiyosi xewiri: türkiye jumhur reisi rejep tayyip erdoghan, finlandiye pirézidénti sauli ninisto, shiwétsiye bash ministiri magdéléna andérson we nato (shimaliy atlantik ehdi teshkilati) bash katipi stolténbérg bir yerge jem boldi.

türkiye axbaratqa yépiq shekilde échilghan yighinda, telep qilghanlirini qolgha keltürüp zor utuqlarni qolgha keltürdi.

türkiye, shiwétsiye we finlandiye arisida finlandiye we shiwétsiyening natogha eza bolush musapisi toghrisidiki bayanname, üch döletning tashqi ishlar ministirliri teripidin imzalandi.

bu heqtiki xitabnamede, «finlandiye we shiwétsiye barliq térrorluq teshkilatlirining türkiyege qaratqan hujumlirini éniq we keskin eyibleydu. finlandiye bilen shiwétsiyep k kwe bashqa barliq térrorluq teshkilatliri hemde bu teshkilatlargha chétishliq shexslerning paaliyitining aldini élishni üstige alidighanliqi toghrisida wede béridu» déyildi.

üch döletning térorluq teshkilatlirining paaliyitining aldini élish üchün özara hemkarliqni kücheytishni qarar qilghanliqi bildürülgen xitabnamede, finlandiye bilen shiwétsiyening türkiye teminligen uchur-melumatlarni we delil-ispatlarni nezerge alghan halda térrorluq gumandarlirini chégradin qoghlap chiqirish yaki qayturuwétish teleplirige téz sürette jawab béridighanliqi, p k k we barliq gumashtilirining pul toplash, adem qobul qilish paaliyetlirini tekshüridighanliqi we bularni chekleydighanliqi qeyt qilindi.

xitabnamede yene, natoning ochuq ishik siyasitini qollaydighanliqini mueyyenleshtürgen türkiyening madrid bashliqlar yighinida, finlandiye bilen shiwétsiyening natogha eza bolushqa teklip qilishni qollaydighanliqi eskertildi.

finlandiye we shiwétsiyening natoning ittipaqdishi bolush süpiti bilen,p y d|y p gwe türkiyedefethullahchi térrorluq teshkilati dep békitilgen teshkilatni qollimaydighanliqi bildürülgen bayanatta, shiwétsiyening yéngi téximu küchlük térrorluq jinayetliri qanunini 1-iyuldin (2022) bashlap ijra qilidighanliqi, hökümetning bu qanunni asas qilidighanliqi qeyt qilindi.

xitabnamede, türkiye, finlandiye we shiwétsiyening, héchqandaq qoral émbargosining qalmighanliqini jezmleshtürgenliki bildürüldi.