türkiye haytigha sayahetke baridighan puqralarni agahlandurdi

türkiye haytining nöwettiki bixeterlik mesilisi we jinayi qilmishlarning köpiyishi sewebidin türkiye puqralirining mejburiy ehwal bolmighan sharait astida, haytigha sayahetke barmasliqi paydiliq ikenlikini élan qildi.

1849685
türkiye haytigha sayahetke baridighan puqralarni agahlandurdi

türkiye awazi radiyosi xewiri: tashqi ishlar ministirliqining yazma bayanatida, haytigha sayahet we bixeterlik uqturushi élan qilindi.

bayanatta, «haytining nöwettiki bixeterlik mesilisi we jinayi qilmishlarning köpiyishini közde tutup, puqralirimizning mejburiy ehwal bolmighan sharait astida, haytigha sayahetke bérishtin saqlinishi paydiliqtur» déyildi.

bayanatta haytida türkiye elchixanisining yoqliqi we santo domingo (dominika jumhuriyiti) diki türkiyening bash elchixanisining bu döletkimu mulazimet qilidighanliqi tekitlinip, «hazirmu haytida turiwatqan we yaki bu döletke sayahetke kelgen puqralirimizning ministirlikimiz we santo domingodiki bash elchixanimiz teripidin élan qilinidighan qoshumche agahlandurush we uqturushlarni dawamliq közitishi lazim. xususiy bixeterliki üchün zörür bolghan tedbirlerni ishqa sélishi nahayiti muhim» dégen agahlandurush bérildi.

bayanatta yene, türkiye puqralirining konsulxana bashqamisi bilen <+90 312 292 29 29> numuri arqiliq hemde türkiyening santo domingodiki bash elchixanisi bilen <+1 809 532 77 83>  we <+1 849 206 46 41> numuri arqiliq alaqilshsa bolidighanliqi, buningdin bashqa yene, <embajada.dominicana@mfa.gov.tr> élxet adrési arqiliqmu biwasite alaqilashqili bolidighanliqi uqturuldi.


خەتكۈچ: #agahlandurush , #hayti , #türkiye

مۇناسىۋەتلىك خەۋەرلەر