ақар әнглийә дөләт мудапиә вәзири билән көрүшти

дөләт мудапиә министири һулуси ақар тәклипигә бинаән пайтәхт әнқәрәгә кәлгән әнглийә дөләт мудапиә вәзири бен валлес билән көрүшти.

1847603
ақар әнглийә дөләт мудапиә вәзири билән көрүшти

түркийә авази радийоси хәвири: түркийә дөләт мудапиә министирлиқиниң билдүрүшичә, министир ақар, әнглийә дөләт мудапиә вәзири бен валлесни һәрбий мурасим арқилиқ қарши алған.

икки министир алди билән айрим көрүшкән, андин һәйәтләр ара учришишларға рийасәтчилик қилған.

украина киризисини өз ичигә алған районлуқ мудапиә, бихәтәрлик, дөләт мудапиәси санаити саһәлиридә һәмкарлиқ орнитиш мәсилилири бойичә өзара пикир алмаштурулған учришишларда, министир ақар, түркийә – әнглийә мунасивәтлириниң истиратегийәлик һәмраһлиқ асасида һәр саһәдә үзлүксиз давамлишиватқанлиқини әскәрткән, һәмдә дөләт мудапиә санаитидики һәмкарлиқ үчүн експорт иҗазәтнамисини әмәлдин қалдуруш арқилиқ қолға кәлтүрүлгән һәрикәтләндүргүч күчниң наһайити зор әһмийәткә игә икәнликини тәкитләш билән бир вақитта, бөлгүнчи террорлуқ тәшкилати п к к/й п г, даеш вә фәтһуллаһчи террорлуқ тәшкилати қатарлиқ террорлуқ тәшкилатлирини өз ичигә алған терроризмға қарши  күрәштә һәмкарлиқниң муһимлиқини қәйт қилған.

у йәнә, украинаниң мустәқиллиқи, земин пүтүнлүки вә игилик һоқуқини қоллаш арқилиқ районда тинчлиқ вә муқимлиқниң қайтидин орнитилиши үчүн, дәрһал уруш тохтитиш елан қилиниши керәкликини оттуриға қойған, ашлиқ мәсилисини һәл қилиш тиришчанлиқлириниң мас қәдәмдә давам қиливатқанлиқини байан қилған.

учришишларда йәнә, һәрбий мәшиқ һәмкарлиқ паалийәтлирини давамлаштуруш тоғрилиқму бирдәклик һасил қилинған.



مۇناسىۋەتلىك خەۋەرلەر