shentop qirghizistan pirézidénti bilen körüshti

türkiye büyük millet mejlisi bashliqi mustafa shentop türkiy tilda sözlishidighan döletler parlamént ezaliri kéngeshmisining 11 – nöwetlik omumiy kéngesh yighini üchün yétip barghan qirghizistanning cholpan – ata shehiride, pirézidént sadir japparow  bilen körüshti.

1847908
shentop qirghizistan pirézidénti bilen körüshti

türkiye awazi radiyosi xewiri: qirghizistan pirézidént mehkimisi axbarat wasitiliri merkizining bildürüshiche, qirghizistan pirézidénti sadir japparow bilen türkiye büyük millet mejlisi bashliqi mustafa shentopning uchrishishida, parlaméntlar ara hemkarliqni kücheytishni öz ichige alghan ikki tereplik hemkarliqning nöwettiki tereqqiyati heqqide özara pikir almashturulghan.

qirghizistan pirézidénti sadir japparow, qirghizistan xelqi bilen türkiye xelqining medeniyet we eneniliride ortaq qimmelerge ige ikenlikini tekitlep mundaq dégen: «ikki terep munasiwetlirimizni tereqqiy qildurushqa herdaim teyyarmiz.»

4-nöwetlik dunya köchmenler tenheriket musabiqisining bu yil bursaning iznik shehiride ötküzülidighanliqini bayan qilghan japparow , musabiqige qatnishidighan qirghizistan terepningmu oyunlarni teshkilleshke yardem bérishni xalaydighanliqini bayan qilghan.

türkiye büyük millet mejlisi bashliqi mustafa shentop  bolsa, döletler ara hemkarliqning tereqqiy qildurulushigha hesse qoshushqa teyyar ikenlikini eskertish bilen bir waqitta, türkiye bilen qirghizistan otturisidiki hemkarliqning bolupmu soda – iqtisadiy saheside uchqandek tereqqiy qiliwatqanliqini qeyt qilghan.



مۇناسىۋەتلىك خەۋەرلەر