chawushoghlu: türkiye bixeterlik mesiliside qilche yol qoymaydu

tashqi ishlar ministiri mewlüt chawushoghlu türkiyening öz xelqining bixeterliki mesiliside bashqilargha qilche yol qoymaydighanliqini éytti.

1847886
chawushoghlu: türkiye bixeterlik mesiliside qilche yol qoymaydu

türkiye awazi radiyosi xewiri: chawushoghlu, malatyada ötküzülgen bir yighinda qilghan sözide, shiwétsiye bilen finlandiyening shimaliy atlantik ehdi teshkilatigha ezaliqi mesiliside türkiyening teleplirining konkrét qedemler bilen qandurulushi kéreklikini tekitlep mundaq dédi: «xelqimizning bixeterliki mesiliside bashqilargha qilche yol qoyalmaymiz. shiwétsiye bilen finlandiyening shimaliy atlantik ehdi teshkilatigha ezaliqi mesilisimu del shundaq qiliwatimiz. bizning ulardin telep qiliwatqinimiz, kütüwatqanlirimiz mumkin bolmaydighan ishmu emes. siler térrorizmni qollawatisiler, qollimanglar. térrorchilarni dölitinglarda baghringlargha bésiwatisiler, her türlük paaliyetlirige ruxset qiliwatisiler, iqtisadiy paaliyetlirige köz yumuwatisiler,  ashu jaylardin qendil téghigha, yaki shu tapta turuwatqan rayonlargha balilarning mejburiy tutup kétilishige wesile boluwatisiler. ularning bu paaliyetlirige purset yaritip bériwatisiler, tosalghu bolmaywatisiler. ege siler ittipaqdash bolushni xalisanglar, türkiyeni düshmen dölettek körmeslikinglar kérek. térrorizmgha qarshi kürishi tüpeyli émbargo yürgüzmeslikinglar lazim. bularning hemmisige qoshulmaymiz, désenglar, shimaliy atlantik ehdi teshkilatighimu eza bolalmaysiler. mesile mana mushundaq addiydur.»

p k k bilen y p g ning bir térrorluq teshkilati ikenlikini eskertken chawushoghlu, héchkimning bahanilarning arqisigha saqlanmasliqi kéreklikini qeyt qildi.

rusiye – ukraina urushi seweb boluwatqan ashliq kirizisi toghriliqmu toxtalghan chawushoghlu, rusiyedin ashliq éksport qilinishigha yol échishqa tirishiwatqanliqlirini tekitlep mundaq dédi: «birleshken döletler teshkilati bash katipi antonyo gutérésh  <bu mesilini peqet türkiyela hel qilalaydu> dewatidu. derweqe, bu türkiyege bolghan ishenchning namayendisidur.»



مۇناسىۋەتلىك خەۋەرلەر