чавушоғлу: түркийә бихәтәрлик мәсилисидә қилчә йол қоймайду

ташқи ишлар министири мәвлүт чавушоғлу түркийәниң өз хәлқиниң бихәтәрлики мәсилисидә башқиларға қилчә йол қоймайдиғанлиқини ейтти.

1847886
чавушоғлу: түркийә бихәтәрлик мәсилисидә қилчә йол қоймайду

түркийә авази радийоси хәвири: чавушоғлу, малатйада өткүзүлгән бир йиғинда қилған сөзидә, шиветсийә билән финландийәниң шималий атлантик әһди тәшкилатиға әзалиқи мәсилисидә түркийәниң тәләплириниң конкрет қәдәмләр билән қандурулуши керәкликини тәкитләп мундақ деди: «хәлқимизниң бихәтәрлики мәсилисидә башқиларға қилчә йол қойалмаймиз. шиветсийә билән финландийәниң шималий атлантик әһди тәшкилатиға әзалиқи мәсилисиму дәл шундақ қиливатимиз. бизниң улардин тәләп қиливатқинимиз, күтүватқанлиримиз мумкин болмайдиған ишму әмәс. силәр терроризмни қоллаватисиләр, қоллимаңлар. террорчиларни дөлитиңларда бағриңларға бесиватисиләр, һәр түрлүк паалийәтлиригә рухсәт қиливатисиләр, иқтисадий паалийәтлиригә көз йумуватисиләр,  ашу җайлардин қәндил теғиға, йаки шу тапта туруватқан районларға балиларниң мәҗбурий тутуп кетилишигә вәсилә болуватисиләр. уларниң бу паалийәтлиригә пурсәт йаритип бериватисиләр, тосалғу болмайватисиләр. әгә силәр иттипақдаш болушни халисаңлар, түркийәни дүшмән дөләттәк көрмәсликиңлар керәк. терроризмға қарши күриши түпәйли ембарго йүргүзмәсликиңлар лазим. буларниң һәммисигә қошулмаймиз, десәңлар, шималий атлантик әһди тәшкилатиғиму әза болалмайсиләр. мәсилә мана мушундақ аддийдур.»

п к к билән й п г ниң бир террорлуқ тәшкилати икәнликини әскәрткән чавушоғлу, һечкимниң баһаниларниң арқисиға сақланмаслиқи керәкликини қәйт қилди.

русийә – украина уруши сәвәб болуватқан ашлиқ киризиси тоғрилиқму тохталған чавушоғлу, русийәдин ашлиқ експорт қилинишиға йол ечишқа тиришиватқанлиқлирини тәкитләп мундақ деди: «бирләшкән дөләтләр тәшкилати баш катипи антонйо гутереш  <бу мәсилини пәқәт түркийәла һәл қилалайду> дәватиду. дәрвәқә, бу түркийәгә болған ишәнчниң намайәндисидур.»



مۇناسىۋەتلىك خەۋەرلەر