türkiye istixbarat teshkilati térrorchilarning kattibashliridin hüseyin shiblini ujuqturdi
türkiye döletlik istixbarat teshkilati iraqning sulaymaniye shehride bölgünchi térrorluq teshkilati p k k ning atalmish süriye aptonomiyelik bashqurush merkizi ijraiye kéngishining birleshme reisi, süriyelik térrorchi hüseyin shiblini ujuqturdi.
türkiye awazi radiyosi xewiri: bixeterlik menbeliridin igilengen melumatlargha asaslanghanda, kod ismi perhat derik bolghan térrorchi hüseyin shibli, bölgünchi térrorluq teshkilatining atalmish qendil merkizi teripidin iraqqa teyinlengen.
qendildiki térrorchi kattibashlirining bildürüshiche, térrorchi shibli üchinchi döletler bilen menpeet munasiwiti ornitish arqiliq iraqta yéngi bir térrorluq teshkilatining qurulushni ishqa ashurmaqchi bolghan.
türkiye döletlik istixbarat teshkilati türkiye-iraq chégrasidin 275 kilomitir yiraqliqta élip barghan herikiti arqiliq shiblini sulaymaniyede ujuqturdi.
shibli atalmish qendil merkizining süriyediki teshkilatining muhim kishiliri qataridiki kod ismi shahin jilo bolghan abdi shahinning eng yéqin kishiliridin birige aylanghan idi.
esli süriyening el-malikye nahiyesidin bolghan hüseyin shibli térrorchilarning kattibéshi abdulla öjalan süriyede turghan mezgilde térrorluq teshkilati p k k gha qatnashqan bolup, u süriyening heleb shehiride hemde iraqning shimalidiki gara we qendil qatarliq jaylarda térrorluq heriketliri bilen shughullanghan. 2014 -yili süriyede p k k ning kontrolluqidiki olturaq rayonlargha mesul atalmish ijraiye kéngishining ezaliqigha teyinlengen.
térrorchi shibli 2019-yildin étibaren térrorluq teshkilatining atalmish süriye aptonomiyelik bashqurush merkizining birleshme reisi bolup wezipe ötigen.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.
