«10 милйон куб метир тәбиий газни дөлитимизниң ток йәткүзүш системисиға йөткәймиз»

түркийә авази радийоси хәвири: җумһур рәис әрдоған, филйоста өткүзүлгән «тунҗи қарадеңиз тәбиий газ туруба йоли вә кәпшәрләш мурасими» ға қатнашти, һәмдә бу йәрдә қилған сөзидә, түркийәниң һазирғичә болған әң чоң тәбиий газ байқиши болған қарадеңиз тәбиий газиниң һалқилиқ басқучиға қәдәм қойғанлиқидин толиму хурсән икәнликлирини әскәртиш билән бир вақитта, буниңдин 2 йил илгири бу хуш хәвәрни бәргән чағда, йәрлик тәбиий газниң хәлқниң хизмитигә сунулидиғанлиқини билдүргәнликлирини тәкитләп мундақ деди: «2023-йилиниң биринчи чарикидә, биз һәр күни биринчи басқучта ишләпчиқирилидиған 10 милйон куб метир тәбиий газни миллий ток йәткүзүш системисиға йөткәймиз. сакарийа тәбиий газ саһәси, худайим буйриса,  2026-йили ишләпчиқиришниң йуқири пәллисигә йетиду. саһәдә ечилидиған 40 қудуқ билән бирликтә күндилик тәбиий газ ишләпчиқириш иқтидаримизни 40 милйон куб метирға йәткүзүшни нишан қиливатимиз.»