chawushoghlu qibrista teshkilatlarning wekilliri bilen körüshti

türkiye awazi radiyosi xewiri: tashqi ishlar ministiri mewlüt chawushoghlu girnediki aq öyde ijtimaiy teshkilatlarning wekilliri bilen körüshti.

yighingha, türkiye muawin tashqi ishlar ministiri sedat önal we türkiyening lefkoshada turushluq bash elchisi eli murat bashcherimu qatnashti. yighin axbaratqa yépiq shekilde ötküzüldi.

mewlüt chawushoghlu twittérda bu heqte uchur hembehirlep: «qibristiki türk ijtimaiy teshkilatliri bilen bir yerge jem bolduq. biz tünügün, bügün we her daim birlikte. birlikimizni buzushqa urunghanlargha purset bermeymiz» dédi.

u lapta rayonidiki puqralar bilenmu körüshti we: «qibris türk xelqi bizning jénimiz we barliqimizdur. bügüngiche shimaliy qibris türk jumhuriyitini we qibris türklirini yalghuz tashlap qoymiduq, buningdin kéyinmu yalghuz tashlap qoymaymiz» dédi.

u qibrista tüzülgen yaman gherezlik pilanlarni buzushning ehmiyiti üstide toxtilip: «buningdin kéyin qibris rum teripi bilen siyasiy barawerlikla emes, igilik hoquqtimu barawerlik bolidu. mundaqche éytqanda, ikki döletlik hel qilish charisi. yanmu yan birlikte mewjut bolidighan ikki dölet öz arisida her türlük hemkarliqlarni ornitishi mumkin. bu normal ehwal. hemme döletni qibris türklirining igilik hoquqini étirap qilghuzush üchün tirishiwatimiz» dédi.