chawushoghlu italiyede yoqap ketken tik uchar ayropilan toghrisida bayanat berdi

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu, italiyede yoqap ketken tik uchar ayropilan toghrisida bayanat bérip:  «tik uchar chüshüp ketken rayon tépiliptu, emma ayropilandikiler toghrisida hazirche héchqandaq uchur yoq» dédi.

italiye metbuatliri, kusna téghidin peyshenbe küni radardin ghayib bolghan tik uchargha tewe bolushi mumkin dep qariliwatqan qalduqlarning tépilghanliqini xewer qildi.

9 – iyunda italiyening lukka shehiridin töt nepiri türk bolup jemiy yette ademni élip tréwisogha qarap yolgha chiqqandin kéyin radardin yoqap ketken tik uchar ayropilanning aqiwiti toghrisida toxtalghan chawushoghlu, türkiyening italiye bash elchisi we konsulining rayonda ikenlikini éytti.

weqeni yéqindin közitiwatqanliqlirini bildürgen chawushoghlu, puqralarning saq – salamet qutulup qalghan bolushini ümid qildighanliqini, yéngi uchurlar kelse, yene jamaetchilik bilen ortaqlishidighanliqini éytti.