qaradéngiz gazida halqiliq basquch arqida qaldi
énérgiye we tebiiy bayliqlar ministiri fatih dönmez qaradéngiz tebiiy gazida halqiliq basquchning arqida qalghanliqini éytti.
türkiye awazi radiyosi xewiri: fatih dönmez, tünügün, ammiwi ortaqlishish tor béti Twitter sehipiside, qaradéngizda bayqalghan 540 milyard kub métir tebiiy gazni quruqluqqa chiqirish paaliyetliri heqqide élan qilghan bayanatida, mundaq dédi: «qaradéngiz tebiiy gazida halqiliq basquchni arqida qaldurup, nishangha yene bir qedem yéqinlishiwatimiz. déngizgha turuba yatquzidighan paraxot bügün (tünügün) chanaqqele boghuzidin qozghilip, «zonguldaqtiki) filyos (portigha) qarap yolgha chiqti.»
muawin jumhur reis fuat oktay bilen birlikte 28 – may küni filyos tebiiy gaz muessesi qurulushini közdin kechergen dönmez, 10 – iyun küni qaradéngizning tebiiy gazi ötidighan tunji turubilarni sahildin yatquzush xizmitining bashlinidighanliqini, iyul éydimu chongqur déngiz qatlamlirigha turubilarni yatquzidighan sistémining türkiyege kélidighanliqini bildürgenidi.
