ئەردوغان ئەزەربەيجانغا كەتتى

تۈركىيە ئاۋازى رادىيوسى خەۋىرى: جۇمھۇر رەئىسلىك مەھكىمىسى ئۇچۇر - ئالاقە ئىشلىرى ئىدارىسىنىڭ بىلدۈرۈشىچە، جۇمھۇر رەئىس ئەردوغان، ئەزەربەيجاننىڭ مۇستەقىللىق كۈنىگە توغرا كېلىدىغان زىيارىتى دائىرىسىدە، تۈركىيە سىرتىدا تۇنجى قېتىم ئەزەربەيجاننىڭ پايتەختى باكۇدا ئۆتكۈزۈلىدىغان «ئاۋىياتسىيە، ئالەم قاتنىشى ۋە تېكنوفېست (تېخنولوگىيە فېستىۋالى) ئەزەربەيجان» نىڭ كۆزەتكۈچىلەر بايرىمىغا قاتنىشىدىكەن.

ئەردوغان بىلەن ئەلىيېۋ، ئەزەربەيجان ھاۋا ئارمىيەسى بىلەن تۈرك چولپانلىرى ۋە سولوتۈرك ئەترىتىنىڭ ماھارەت كۆرسىتىش مۇراسىمىغا قاتنىشىدىكەن.

ئىككى رەھبەر كېيىنچە، ئاسان مۇلازىمەت مەركىزى ۋە باكۇ ئىلىم-پەن مەركىزىنى ئىشقا كىرىشتۈرىدىكەن.

كەچلىك تاماق زىياپىتىدە ئەزەربەيجان پىرېزىدېنتى ئىلھام ئەلىيېۋ بىلەن بىر يەرگە جەم بولىدىغان جۇمھۇر رەئىس ئەردوغاننىڭ، كەچ تەرەپلەردە تۈركىيەگە قايتىشى كۈتۈلمەكتە ئىكەن.