chawushoghlu: térrorizmgha qarshi  küresh iradisi yéngi istiratégiyelik uqumgha daxil qilinishi kérek

tashqi ishlar ministiri mewlüt chawushoghlu her xil shekildiki térrorizmgha qarshi  küresh iradisining shimaliy atlantik ehdi teshkilatida teyyarlanghan yéngi istratégiyelik uqumgha daxil qilinishi kéreklikini éytti.

1833720
chawushoghlu: térrorizmgha qarshi  küresh iradisi yéngi istiratégiyelik uqumgha daxil qilinishi kérek
Turkiye-Romanya-Polonya.jpg

türkiye awazi radiyosi xewiri: chawushoghlu, istanbulda, türkiye- ruminiye – polsha üch terep tashqi ishlar ministirliri yighinidin kéyin ötküzülgen qoshma axbarat élan qilish yighinida, uchrishishta, ukraina mesilisi we kéler ay ispaniyening paytexti madridta chaqirilidighan shimaliy atlantik ehdi teshkilati bashliqlar yighinidin küütülüwatqan ümidler we muhim nuqtilar heqqide muzakire élip barghanliqlirini eskertish bilen bir waqitta, térrorizmning shimaliy atlantik ehdi teshkilati we ittipaqdashlirigha qarita eng chong tehdit ikenlikini qeyt qildi, hemde shiwétsiye bilen finlandiyening shimaliy atlantik ehdi teshkilatigha ezaliqi heqqide toxtilip mundaq dédi: «biz girétsiyening makédoniyege qilghinidek, bir döletning ismining özgertilishinimu xalimaymiz. telipimiz intayin ochuq bolup, mezkur ikki dölet térrorizmni qollashni toxtitishi kérek. jümlidin, dölet mudapiesi sanaiti mehsulatlirimizgha qoyghan cheklimilernimu bikar qilishi lazim. türkiye shiwétsiye bilen finlandiyedin bu heqte ijabiy qedemlerni tashlishini kütmekte. <qandaqla bolmisun, türkiyeni haman qayil qilarmiz», qarishi toghra emes. derweqe, ular térrorizmni qollashni üzüshi kérek.»

u,  shimaliy atlantik ehdi teshkilatida teyyarlanghan yéngi istratégiyelik uqum heqqide toxtilip mundaq dédi: «her xil shekildiki térrorizmgha qarshi  küresh iradisi, shimaliy atlantik ehdi teshkilatida teyyarlanghan yéngi istratégiyelik uqumgha daxil qilinishi kérek.»



مۇناسىۋەتلىك خەۋەرلەر